|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
SOCIALIA
PHILIPPUS B. OCC ĪDIT AMICAM QUONDAM SUAM EIUSQUE CONSORTEM VITAEGermanum (36) in Chinâ capitis damnatum esse
Philippus B. (36) Bavarus in Chinâ propter homicidium duplex capitis damnatus est.
d.20. m.Aug. a.2014 – h.10:20
Pechinio ex urbe – Philippus B. (36) amicam quondam suam eiusque virum consortem vitae in viâ apertâ verê trucidaverat. Nunc iste vir Monachensis in Chinâ capitis damnatus est!
Philippus B. Teisdorf ex oppido Bavarico oriundus Monaci studuerat sinologiae pernoscendae. Inter studium cognoverat Genovevam (Jennifer) M. († 29) ex Venetiolâ oriundam. A.2005 illa a Philippo se seiunxit et novo cum amico Georgium (Jörn) H. (39) in Chinam transmigravit, ubi Genoveva peperit filium.
At Philippus B. pati non potest se ab illâ seiunctum esse – iste vir morbosâ aemulatione affectus amicam quondam suam persectatur. Necnon denique meditatur consilium diabolicum: Qui vult salutem amicae quondam suae perdere saevissimê! Xiamen in Chinae austro-orientali urbe litorali, ambos d.6. m.Iun. a.2010 investigatos allicit ad deversorium Marci Poli. Ibidem Philippus B. eos exspectat larvâ nigrâ indutus – et interficit pectore lentissimo! Homicidium duplex in Chinâ factum Testes dicunt Philippum primo Georgium malleo mulcasse, deinde eum humum deiecisse. Genoveva M. genibus flexis illum implorat: „Desine, precor, desine!" – at Philippum non miseret: Qui ambos cultro percutit, usque dum neuter moveatur. Deinde ipsum se vult interficere – sed vitâ superat.
Nunc Philippus a iudicio populo medio urbis Xiamen propter caedem duobus in casibus consilio factam capitis damnatus est! Causa iudicialis iam ante tres annos finita erat. Ex illo tempore reus exspectaverat sententiam iudicialem.
Locutor quidam officii externi Berolinensis dixit gubernationem Germaniae foederalem studere id efficere, ne Sinenses sententiam capitalem exsequerentur. Adhuc incertum est, num Philippus B. possit provocare ad instantiam altiorem. Chen Liqun patronus eius Sinensis: "Hoc" inquit "nondum scimus". "Qui ipse hanc rem nondum discrevit."
Hanc casum sic quoque ab instantiâ altiore confirmandum esse a iudicio Chinae supremo Pechiniensi. Poena capitalis Sinensis
Organisationes iurum humanorum, qualis est Amnesty International, computant quotannis in Chinâ fieri complura milia supplicia capitalia. Gubernatio Chinae hunc numerum considerat "secretum civitatis". Sed praepositi operis fundati Dui Hua, qui res Sinicas bene perspicit, computat anno 2012 in Chinâ de tribus ferê milibus hominum supplicia capitalia sumpta esse. ►Ergo China plures exsequitur poenas capitales quam omnes civitates huius mundi ceterae! In Chinâ morte puniri possunt plus 50 delicta – praeter homicidium, obsidum abductio, oppressionem praedatoriam, constuprationem etiam corruptio, lenocinium, delicta drogarum aut rerum afflictio. ►Sinenses poenam capitalem exsequuntur aut sclopetando aut siphunculo venenoso. Secundum Amnestiam Internationalem causae iudiciales non solent congruere cum normis internationalibus. Gubernatio Pechiniensis numerum scelerum, quae morte puniuntur, gradatim deminuere vult. Qui minus 18 (duodeviginti) annos natus est, aut plus septuaginta quinque annos, aut mulier sit gravida, ei poena capitalis non est timenda. Necnon ex anno 2007 iudicium Supremum ius sibi reservat omnem sententiam capitalem probandi. Ex illo anno multae sententiae sunt sublatae. Num revera fiet, ut de eodem viro 36 annos nato supplicium sumatur, adhuc incertum est. Patronus: "Haec sententia" inquit "est primae instantiae". Legati, ut solent, de hoc casu nihil dicere voluerunt. Magistratus externus e principio in aliis terris studet efficere, ne quis capitis damnetur, quia poena capitalis in Germaniâ est abolita est et reprobatur.
Nisi Philippus B. provocaverit ad instantiam altiorem, verisimile est Sinenses poenam mox exsecuturos esse. Si ita fiet, idem vir erit primus Germanus, de quo in Chinâ sumatur supplicium capitale.
Unicus Europaeus, de quo in China umquam sumptum est supplicium capitale, fuit vir in Pacistaniâ oriundus syngrapho Britannico instructus, qui drogas subintroduxerat.
In Chinâ poena capitalis inferri etiam potest in probationem, sed hoc in casibus homicidii indubiis fit rarissimê. Plerumque poena capitalis in probationem constituta post biennium mutatur in custodiam perennem. Hanc relationem d.20.m.Aug., a.2014 in Germanico periodico interretiali, c.t. est „Bild" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/ Titulus originalis est „Deutscher (36) in China zum Tode verurteilt".
Scripsit Nicolaus Gross - 26/08/2014 16h27
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
