Olympia Londiniensia

Post finem Oympiorum Londinii habitorum Civitates Americae Unitae maximum numerum nomismaton sibi comparaverunt: nam CIV summatim, quarum XLVI aurea, obtinuerunt athletae sub USAe vexillis certantes, plerumque in athleticis et natatoriis ludis.

Optime se gesserunt Sinenses (pila pinnata seu badminton, saltu immersorio), Britanni (cursu birotario et remigatione) et Russi (luctatione et gymnastica), minus Austrocoreani, Germani, Galli et Italici, quos ceterae nationes sequuntur.

Comitatus Anglicus, qui Olympia perficienda curavit, laetatus est omnia bene evenisse. Quadriennio peracto Olympici ludus Rivi Januarii, in magna urbe Brasiliensi, habebuntur.

Scripsit Herimannus Novocomensis