Annus
2 0 1 2


06

d.06. m.Oct. a.2012, h.19:50

In Francogalliâ factam esse actionem anti-tromocraticam

Astyphylaces necare islamistam radicalem

Argentorato in urbe factam esse sclopetationem mortiferam: Astyphylaces Francogalli in salafistis per totam terram quaeritandis virum sclopetando necaverunt. Investigatores rettulerunt agi de quodam islamistâ quaesito, qui diceretur attentasse tabernam iudaicam.

 

 

Actio Argentoratensis anti-tromocratica: Islamista inter perquisitationem sclopetando interfectus.

Argentorato ex urbe – Investigatores mâne simul in compluribus urbibus Francogalliae homines comprehenderunt. In magnâ actione anti-tromocraticâ astyphylaces Argentorati virum sclopetando necaverunt decemque viros comprehenderunt. Cum conarentur virum suspectum comprehendere, iste ab actore publico dicitur compluries telo calibri1 maioris sclopetasse in astyphylaces, qui tum resclopetantes2 virum icerunt mortiferê.

 

Vir interfectus a magistratibus Francogallicis refertur esse islamista. Îdem vir triginta tres annos natus a magistratibus indicatur motûs zihadismi fuisse particeps. Franciscus Molins actor publicus anti-tromocraticus dixit astynomos scivisse virum triginta tres annos natum esse motûs zihadismi participem. Îdem drogopola3 damnatus cum esset, postea convertisse ad islamum radicalem. Viri dactylogrammata4 inventa esse in reliquiis granati, quod medio mense Septembri prope Parisios iniectum esset in tabernam victualium Iudaicam.

 

Patricius Poirret actor publicus Argentoratensis dixit virum 33 (triginta tres) annos natum inter perquisitationem5 astynomicam egisse animo valdê prompto, fortasse consilium cepisse, ut martyr moreretur. Patêre eundem antea barbam rasitasse, ut se ad mortem praepararet. Eiusdem viri suspecti mulier consors comprehensa manicis ferreis vincta abducta est. Unus ex astyphylacibus in mutuâ sclopetatione leviter vulneratus est. Patricius actor publicus dixit eundem astyphylacem casside colobioque suo antiballistico6 servatum esse a vulneribus gravioribus; his verbis Patricius correxit diurnarios Francogallos, qui primo rettulerant violatos esse viros tres.

 

Etiam in Parisiorum circumiectis unus e viris comprehensis ab astynomis refertur fuisse armatus et „periculosus". Perquisitatio astynomica totâ in Francogalliâ facta est, cum d.19. m.Sept. in oppido Sarcelles attentata esset taberna iudaica. Illâ die duo agressores nigris vestibus induti tabernae victualium iniecerant massam displosivam, qua mulier leviter vulneraretur.

 

Quod attinet ad futuras attentationes possibiles a viris suspiciosis praedispositas, Franciscus actor publicus dixit perquisitatione inventum esse indicem organisationum iudaicarum. Hac perquisitatione astynomicâ petitum esse "rete, quadamtenus cellam" extremistarum. Complures comprehensorum esse viros sceleratos, qui convertissent ad islamum. Iohannes Marcus Ayrault praepositus gubernationis dixit hanc actionem praeparatam esse ex septimanis.

 

1 +calibrum, -i n. Kaliber.

2 *resclopetare theod. zurückfeuern, das Feuer erwidern.

3 *drōgopōla, -ae m. theod. Drogenhändler, Dealer.

4 dactylogramma, -atis n. theod. Fingerabdruck.

 

Hanc relationem d.06.m.Oct., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/

Titulus originalis est: „Anti-Terror-Einsatz in Frankreich – Polizei tötet radikalen Islamisten".

 

 

 

Scripsit Nicolaus Gross



Retro ad:

Novissima editio
Summum paginae