COPIAE JIHADISTARUM A PALMYRA RECESSERUNT

Jihadistae regni Chalifi Islamici (ISIS) nuper recesserunt a locis proximis antiquae urbi Palmyrae, ubi mirae reliquiae Romanorum superstites sunt, quae ab anno 1980 Patrimonium cultus humani reputantur.

Quod evenit postquam iussu ipsius Baraci Obama incursio fulminea ante duas noctes in Syria Orientali a copiis helicopteris vectis facta est, ut a Pentagono nuntiatum erat. His actionibus bellicis confectis princeps Islamistarum Abu Sayyaf, praepositus negotiis ad petroleum attinentibus, necatus est. Uxor capta in Iraquiam translata est sub custodia Americanorum ut interrogaretur cum particeps tromocratarum petitionum fuisset.

Etiam decem Jihadistae necati sunt. Milites Americani de re militari peritissimi, “capita corio operta” nominati, ab Iraquia helicopteris transvecti, incolumes evaserunt. De incursione Bashar Al Assad, Praeses Syriae, non certior factus est, cum non eius regimen fidum socium in bello contra Chalifi regnum existimaretur. Tamen milites Chalifi celeriter in Iraquiam procedunt: Ramadi, caput maximae provinciae Iraquiae, ab iis tenetur.

Scripsit Lydia Ariminensis