Annus
2 0 1 5


Eritne novum bellum in Europa?

Eritne novum bellum in Europa?

Mercurii die Minsci, in Albae Utheniae capite, cancellaria Germanica, praeses Gallorum et Ucrainae conventuri sunt magna cum spe praesidem Russorum Vladimirum Putin adfuturum esse ut verbis non armis destrictis pax in Ucrainae regionibus orientalibus restituatur; nam bellum cruentum iam diu ibi furit, quo regiones illae maiore libertate ab regimine Kieviae fruantur. Russi accusantur a ceteris copiarum clam missarum ad rebelles sustinendos. Dum Civitatum Americae Unitarum regimen de armis suppeditandis cogitare videtur, Angela Merkel et Franciscus Hollande alacriter operam dant, ut cruoris effusio denique intermittatur libertate quadam regionibus illis concessa.

Die IX mensis Februarii cancellaria et USAe praeses in Domo Alba convenerunt sed idem de rebus agendis sentire visi non sunt. "Si legatorum colloquia decoxerint - ait Obama - consultores meos iubebo omnes optiones considerare.", ius Ucrainorum sui defendendi agnoscens; at Angela dixit se minime armis contentionem sedari posse.

Scripsit Herimannus Novocomensis



Retro ad:

Novissima editio
Summum paginae