Annus
2 0 1 5


Islamic State militants have begun destroying the ruins of the ancient city of Hatra,

De furore et insania

... in praeteriti temporis mirabilia conversis.

Armati Reipubllicae Islamicae, qui vi Iraquiae et Syriae regiones nonnullas occupaverunt, diruere coeperunt reliquias antiquissimae urbis Hatrae (cuius duas imagines conspicere potes) , a Parthis conditae ante Christum natum, quam Ordo Nationis Unitarum locum praeservatu dignum proclamavit; similia scelesti perpetraverant paulo ante Nimrude, in antiquiore urbe Assyriorum. Putant enim stulti aedificia statuasque illa signa "falsorum idolorum" esse ideoque delenda, ne quid maneat fidei Islamicae contrarium futuris temporibus.

Moenia Hatrae turrribus munita tanti roboris esse feruntur, ut vanam redderent voluntatem exercitus Romani urbis conquirendae. Nuntius Partis Democraticae Curdae (KDP) dixit quae facta sunt "scelus bellicum" fuisse, magnitudine et virtute loci, superaddens aurum argentumque ab armatis erepta esse, neglectis causis religiosis.

Regio Mosuliae, magnitudine secundae urbis totius Iraquiae, reliquiis imperii Parthorum abundat, quod secundo saeculo a. Ch. n. floruit, ab hodierna Pacistania usque ad litora Syriaca dicionem suam expandens. Postea Hatra ipsa facta est magni momenti emporium sericum, Arabibus dominantibus. Nihil restituere umquam poterit pretium tantae scelestae stultitiae.

Scripsit Herimannus Novocomensis



Retro ad:

Novissima editio
Summum paginae