d
d.27. m.April. a.2008, h.15:43
AUGUSTA TREVERORUM
Puerum limo esse immersum
Augusta Treverorum in urbe quidam puer undenarius in viridario ludens in foveam limosam illapsus denique adhaesit. Mulier praeteriens puerum invenit, qui viribus propriis non iam se servare potuit, adiutores arcessivit.
Augusta Treverorum ex urbe – Denique necesse fuit siphonarios puerum undenarium e foveâ limosâ liberare.
Hoc infortunium factum est post meridiem diei Saturni in Trevirensi Viridario Nellsiano. Cum stagnum huius viridarii transformetur, ibidem effossa est fovea, cui infunderetur limus e stagno elatus. Mulier praeteriens puerum invenit, qui usque ad ventrem limo inhaerens non iam se liberare poterat viribis propriis.
Astyphylaces foveam limosam cum advenissent, primo etiam iisdem non contigit, ut puerum e limo liberarent.
Siphonarii demum scalâ adhibitâ puerum extrahere potuerunt.
Hac servatione factâ aditus viridarii ab astyphylacibus est obsaeptus.
Hanc relationem d.27.m.Apr. a.2008 h.21.59 in periodico interretiali „Spiegel online" editam (titulus originalis: „Trier – Elfjähriger versank im Schlammloch") e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
| 
