De certamine Europaeo pedifollico

In urbibus et oppidis Helvetiae et Austriae a die VII mensis Iunii certamen pedifollicum Europaeum habetur, quo inter se contendunt XVI manipuli superstites postquam ceteri Europae greges exclusi sunt; nullus grex ex insulis Britannicis certamini interfuturus est. Anno MMIV Graecia victoriam obtinuit.

Sedecim greges pedifollici ita in quattuor manus partiti sunt:

manus A: Respublica Cecha, Helvetia, Portugallia (seu Lusitania), Turcia

manus B: Austria, Croatia, Germania, Polonia

manus C: Batavia (seu Regiones Inferiores), Dacoromania, Gallia, Italia

manus D: Graecia, Hispania, Suetia, Russia.

Ex octo optimis quattuor singulis certaminibus totidem victores praevalebunt, qui poculum inter se contendent.

Suum quaeque optimum tres ex manibus iam habent; Portugalliae enim itemque Germaniae et Hispaniae parum arduum ad postrema tempora pervenire videtur. In manu C tamen omnes exceptis Dacoromanis de principatu contendunt. Sed res novas exspectare spectatoribus licet.

Scripsit Herimannus Novocomensis