Post casum infelicem, qui mense Februario factus erat in domo Kohlianâ, Portu Ludoviciano (Ludwigshafen) in oppido, Helmodus cancellarius quondam foederalis arcerâ servatoriâ in nosocomium illatus erat.
Amici et cognati pessima timuerant, cum Kohl affectus esset gravi capitis vulnere. Ipsâ eâdem nocte Helmodus in nosocomio Universitatis Heidelbergensis propter trauma cranio-cerebrale subiit sectionem chirurgicam.
Helmodus 78 (duodeoctoginta) annos natus tempore rehabilitationis mense Maiio in sacello eiusdem nosocomii Heldelbergensis in matrimonium duxerat Maiceam Richter consortem vitae suam 44 (quadraginta quattuor) annos natam.
Hanc relationem d.05.m.Iul. a.2008 h.15.41 in periodico interretiali „Spiegel online" editam (titulus originalis: „GENESUNG: Kohl aus Reha-Klinik entlassen") e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS:
