Michael Phelps natator ille US-Americanus iam alterum nomisma aureum capit. Aliter Americani tamen - qui semper adhuc maxima copia nomismatum in olympiis potiri solebant - non bene se gerunt, nam ter tantum palmam primitatis vicerunt, dum Coreani Meridionales quater et Sinenses novies.

Etiam athletae mulieres optime sclopetare sciunt, ut haec Liu Yingzi Sinensis in ludis praeselectivis ad certamen sclopetandi finale.

Ecce battuatrices Giovanna Trillini Itala et Nam Hyunhee Coreana in semifinalibus luctantes.

Sinenses Lin Yue et Huo Liang perpulchre de altitudine decem metrorum in aquam simul saltant, nomisma aureum hoc saltu vincentes.

Scripsit ANL