Olympia Pecchinensia (13 VIII)

Germanica Britta Heidemann laetatur quod Dacoromanam adversariam Ana Maria Branza 15-11 vicit: Theodisci optime in ludis gladiatoriis se gesserunt.

Germanus Benjamin Kleibrink contra Japonicum gladiatorem Yuki Ota sibi nomisma aureum comparavit.

Post luctatorem Graecorum more Manuchar Kvirkelia, etiam luctator Japonicorum more Irakli Tsirekidze Georgiae primum locum comparavit; quem cum Algerino Amar Benikhlef certantem in imagine aspicere potes.

Federica Pellegrini Italica ducenta metra tam celeriter transnavit, ut non modo nomisma aureum sibi compararet, sed etiam huc usque brevissimum temporis intervallum ad transnationem illam perficiendam egeret.

Scripsit Herimannus Novocomensis