Cursu centum metrorum, post Usain Bolt victorem, iterum triumphaverunt athletae ex Jamaica: quarum Shelly-Ann Fraser, in imagine exsultans, sibi principatum comparavit, Sherone Simpson et Kerron Stewart duo argentea nomismata pariter domum laturae sunt.

Malleum longissime omnium proiecit Slovenus Primoz Kozmus, id est duorum et octoginta metrorum intermisso spatio. Cetera nomismata duobus athletis Albirussis adeversarii contigit.

Luctatrix libero modo classis LXXII chiliogrammaton Sinensis Wang Jiao adversariam Bulgaricam Stanka Zlateva superavit, ad summum podium ascendens. Mulieres ex Japonia et Polonia sequuntur, ambae aere donatae.

Veliremex Britannicus Ben Ainslie classis "Finn" certamen vicit: quem post laborem iure otiosum admiraris. Etiam veliremigiis classis "Yngling" Britannicae nautae vicerunt.

Scripsit Herimannus Novocomensis