Licet cautissime observitaret Jorgen Persson pilam, agonem semifinalem teniludii mensalis contra Wang Hao perdidit.

Hac vice Glenn Kirkham non contigit primum ad pilam accurrere, nihilominus Britanni superaverunt Coreanos Meridionales effectu 5:2 in ludo alsulegiae pratensis, quintum locum in indice huius disciplinae obtinentes.

O tempora, o mores! Athleta pugnae taekwondo Cubanus Angel Valodia Matos, sine dubio sententia dissignatoris Chakir Chelbat valde irritatus, ei in caput ictum pedis immisit. Qua re effecit, ne ipsi umquam plus liceret certaminibus internationalibus adesse.

Plorat cor Britannae Lisae Dobriskey, quae palmam cursurae 1500 metrorum se capturam sperabat, at quarta demum in metam pervenit.

Scripsit ANL