Pueri urbis Amritsar partem agunt conditoris Indiae civitatis modernae, Mahatma Gandhi, 139. die eius natali.

Urinatores exercitus Coreae Australis pompam tenent Seuliae occasione 60. anniversarii conditionis copiarum huius terrae.

Nautae Indonesiani ac familiae eorum preces dicunt in portu Iacartiano tempore festi Eid al-Fitr, quo mensis sanctus Musulmanorum Ramadan finitur...

... dum eodem festo finito mulier domum redit per vias ambulans urbis principis Persarum, Tehran.

Tali autem modo, more vetero, ambulant iudices Britanni ad Cameram Plebis parlamenti ex abbatia Westminsteriana, properantes illuc occasione primi diei anni forensis in Britannia.

Scripsit ANL