Cives Malesiani gentis Sinicae nudis pedibus per carbones ardentes ambulant tempore festi Novem Imperatorum Caelestium in fano urbis capitis Malesiae, Kuala Lumpur.

Babae, quales puellae pulcherrimae! Minime tamen puellae, nam omnes participes sunt certaminis hominum transsexualium in urbe capitalis Manila Insularum Philippinarum habiti.

Vigilans miles Russus necnon observatores Unionis Europaei inspiciunt transitum vaccarum per limen Osetiae cum Georgia propria.

Tali modo caudices bambucei flumine transportantur, ut venum dentur in foro quodam Indiae orientalis; unius hominis labor ratem perlongam gubernat.

Interdum, ut hic in therotropheo Duisburgiano Germanorum, ad eandem "mensam" una cenant gallina elephansque.

Helicopterum exercitus US-Americanorum subsidia tollit castris in valli Korengal Afghanorum positis.

Scripsit ANL