Hic puer artem exercet melodramatis Pecchinensis in schola primaria urbis Gaochun provinciae Jiangsu.

Tali modo gaudent fautores ducis oppositae partis Insularum Maledivarum, Mohamed "Anni" Nasheed, qui comitiis nuper habitis vicit praesidentem Maumoon Abdul Gayoom - hic 30 annos insulas rexit, quo tempore Nasheed saepe in carcere manebat pro activitate eius politica.

Percontatrum cosmicum Mars Orbiter misit in terram photographemata, quibus monstrantur in superficie planetae Martis rupes quasi opalicae, quae videantur scientistis NASA fluminibus aquae sculptae fuisse.

Tanta calamitas! - vir Iemenensis monstrat urbem vetustissimam Shibam, cuius partem illuvies modo devastaverit.

Aut Obama, aut McCain! - cives US-Americani, quibus ita licet, vota sua dant praematura in comitiis praesidentialibus in urbe Floridana Miami habitis. Duobus tamen pullis anatum effectus suffragandi minime mentem turbat.

Sancti viri Christiani Mahometanique in pace una pendent, tapetes ornantes, in foro tribus Bagdatensis Karrada.

Scripsit ANL