GREMLINES VIVI REPERTI!

In sangala sive silva tropica insulae Indonesianae Celebes biologi Texani, ductrice prof. Sharon Gursky-Doyen, cassibus ceperunt (at deinde rursus in silvam liberaverunt) tres minimas in orbe terrarum simias primates, nomine Linneano Tarsius pumilus. Haec animalia rarissima, quae noctu vitam agunt, ab anno 2000 omnino emortuae timebantur, nam hoc anno unus tarsius prae ratto casu a hominibus necatus sit. Praeter hunc, nullas simias huius generis conspectas esse in Celebes vicinaque Sulawesi saltem 80 praeteritos annos.

Qui tarsius pumilus praecipue notus est, praeter minimam magnitudinem, oculis convexis. Qua re similis tenetur creaturis gremlinianis, pellicula cinematographica anno 1984 a dispositore US-Americano Joe Dante facta monstratis.

Ut videtur in photographemate supra, pumilus ille facile tribus digitis hominis teneri potest. Tamen cavendum est: mordere scit acriter!

Scripsit ANL