Maxime irati Pacistani reclamitant contra Indiam eiusque, ut putant, terras socias: USA et Israeliam. Hoc modo respondent suspicationibus Indorum speculatores Pacistanienses ictus terroristicas recentes Mumbaiae comparasse.

Neque Indi rebus in arduis sanam servare mentem videntur, regimen suum adhortantes ad actus bellicosos contra vicinam Pacistaniam, cum qua iam diu de liminali provincia Casmiria contenditur. Multi observatores timent, ne arma nuclearia in potentiali bello ambarum terrarum adhibeantur.

Follibus aeriis incolae Coreae Meridionalis nuntios de sceleribus dictatioris communistici Kim Jong Il trans limen ferre conantur ad concives borealis partis Coreanae paeninsulae.

Pauper quidam Indonesianus loca illuviei rectentis scrutatur in boreali parte insulae Jakartae, sperans se aliqua bona illic inventurum.

Dena milia peregrinatorum musulmanicae fidei in aula Meschitae Grandis urbis Meccae Araborum preces agunt matutinas ante annuale festum Hajj.

Scripsit ANL