PUGNAE SCIURORUM

Habent suas pugnas sciuri, vixdum dissimiles atrocissimis luctationibus gladiatorum Romae. Photographo Britanno David J. Slater contigit ope lucis depingere unam talium pugnarum sciurorum Namibiensium, qui loca deserta ad oppidum Etosha inhabitant.

Ecce pugnae initium et statim fere finis: unus alterum in terram prostravit...

... hic tamen nullo modo sine pugna arma ponere cogitat. Repugnat ergo, decursu temporis tamen...

... primus sciurus praestantiam sui probat. Alter fuga salutem petit.

Cui amborum familia faveat, parum scitur. Historiam tamen victores scribunt, ut aiunt.

Scripsit ANL