Annus
2 0 0 7



age in SomaliaKontaktgruppe für Entsendung von Friedenstruppe

De copiis in Somaliam ad pacem restituendam mittendis

Grex contactus nationum ad Somaliae pacem restituendam copias illuc mittendas esse reputant, ut sententiae MDCCXXV Ordinis Nationum Unitarum obtemperetur: hoc Nairobi, in capite Keniae, coniunctim deliberaverunt legati ONUs, USAe, Unionis Europaeae, Unionis Africae, Foederis Arabici, aliquot nationum Africae orientalis, Britanniae, Italiae, Norvegiae, Suetiae et Tasmaniae. Civitates Americae Unitae XIV miliones dollarorum ad missionem perficiendam pollicitae sunt. Somaliae praesidens Abdullahi Yusuf sermone habito postulat, ut acies quam celerrime instruantur.

Tametsi Unio Africa mense Septembri octo millia circiter militum in Somaliam immitti deliberaverat, militiae islamicae (quas in imagine aspicis) vehementer contradixerunt; quae mense Decembri et regiminis agminibus et auxiliis Aethiopicis devictae Mogadishu, a capite Somaliae, aufugerunt.

Interea grex terroristicus Al Qaeda muslimos ad caedes in Somalia perpetrandas excitavit: nam Aiman al-Sawahri, Osamae bin Laden legatus, per interrete muslimis proclamavit eadem in Somalia perficienda esse, quae Mujaeddin in Afganistania et Iraquia egerunt: illic enim demostratum esse vel vim totius orbis maximam, USAm videlicet, profligari posse, ideo copias Aethiopum omnino delenda esse. Re vera Aethiopiae Christianae impetus in bellum civile Somalorum magnam commutationem intulit.

Scripsit Herimannus Novocomensis



Retro ad:

Novissima editio
Summum paginae