Annus
2 0 0 7



Pakistan attack kills 10 police

De caede Peshawaris

Pyrobolo dirupto Saturni die quattuordecim homines interfecti, plerumque custodes publici, deni vero vulnerati sunt. Caedes pompa fidelium Shiitarum incipiente perpetrata est in foro mercatorio Qisakhawani prope meschitam Peshawaris, urbis Pakistaniae septemtrionalis. Inter quos ab auctoritatibus nuntiatum est astynomorum ducem Malik Saab ibi vitam amisisse.

Milites et custodes publici vias et fora catervatim occupaverant (sicut in imagine aspicis): nam celebratur dies festus Shiitis maximus Ashoura appellatus, quo nex commemoratur Husseini, prophetae Mahometi nepos, eiusque sociorum. Constat fanaticos Sunnitas Shiitarum caedes quotannis Ashoura appropinquante perpetrare solitos esse. Etiam custodibus publicis in Pakistania sacris Shiitarum invigilantibus saepe armati Sunnitae minitati sunt.

Pridie homicida quidam sui interfector vigilem Islamabad, in urbe Pakistanorum, occiderat apud aditum deverticuli Marriot.

Scripsit Herimannus Novocomensis



Retro ad:

Novissima editio
Summum paginae