Monachi Birmanici in templo reclamant

Monachi Buddhistici circum splendidissimum templum Yangon, maximae urbis Birmanicae, contra regiminis violentiam reclamantes tertio die ambulaverunt: quos cives manibus coniunctis connexi protexerunt. Postea monachi templum oratum inierunt, deinde ad templum suburbanum Sule se contulerunt. Astynomi civilibus vestibus induti reclamantes observaverunt et pelliculis filmicis impresserunt.

Monachi cives sustinere voluerunt, qui contra petrolei omniumque mercium pretia increscentia recenter reclamaverant, quam ob rem nonnulli comprehensi ac torti sunt. Sed regimen militare monachos neque adgredi neque in vincula conicere ausum non est, qui magni apud populum Birmanicum paupertate et miseria oppressum habentur.

Scripsit Herimannus Novocomensis