|
Haec mefitis (Mephitis spec.) Carrolltoniensis in Michiganiā civitate foederali Americanā versans videtur nimis cupida fuisse. Eadem enim capite inhaeserat hyalo liquaminis acetariorum. Denique astyphylax eandem liberavit ictu pistolii pneumatici.
In Californiā Ursus americanus magnum haustum sumit e lagoenā colae.
In Illinoisiae Americanae civitatis foederalis cauponā ministrationis propriae Canis latrans in aliquo pluteo frigorifico consźdit inter sucos fructuarios et aquam mineralem. Qui postea capitur a grege tutorum bestiarum.
In Wesley Chapel urbe Floridanā crocodilus in parietem domūs nititur. Quamvis utatur arte subtili, denique ab hominibus capitur.
Hic cervus albam sellam tentorialem - nolens - e collo suo gerit. Aliquantulo post huic bestiae contingit, ut sellam dividendo se liberet.
In Californiā ursi libenter petunt hortos et natabula accolarum - velut hic ursus, quem recreat aquae frigus amabile.
Mediā nocte hic leopardus delapsus est in lectum Arthuri Du Mosch, qui vivit in Israheliā australi. Eadem bestia petit cibum.
Zalophi californiani in urbe Newport Beach ad lītus Californiae sita sunt molestissimi. Qui interdum naviculas demergunt aut homines e caudicīs eripiunt.
|
