UNGUENTUM AUXILIUM FERRE FERTUR ILLIS, QUI NIMIS CITO EIACULANT

Sex sexies longius solito?

Unguentum inventum esse, quo praevertitur, quin eiuculatio praecox tempore coitus fiat atque efficitur, ut coitus ipse duret sexies tantum longe quam durare solebat - nuntiant medici anaesthetici Regalis Nosocomii Victoriensis (Royal Victoria Hospital) urbis Belfast Hiberniae (Irlandiae) Septentrionalis. Quod ceroma maxime usui esse potest viris, qui nimis mature orgasmo frui solent tempore copulationis. Satis esse unguento novo Hibernico penem illinere circiter quinque minutis ante coitum, ut Venus colatur a 30 secundis (horae partibus) usque quattuor minutas longius tempore solito. Experimentis enim, cui trecentes (300) viri eiaculatione praecoce laborantes aderant (qui aliter maximum ad unam minutam cum uxore aut amica sua coire quiverant), monstravit eosdem unguento novissimo adhibito in summa media 6,3 tantum longius coire valere.

Circiter quadraginta centesimas (40%) virorum eiaculatione praematura aut interdum aut per totam vitam adultam laborare nonnullae investigationes monstrant, docet radiophonia publica Britannorum BBC. Est haec etiam indisposito maxime pudenda, ergo non omnes mares hac laborantes auxilium a medicis petere audent - aestimat Peter Baker societatis Men's Health Forum.

Unguentum acronymo scientifico PSD502 nuncupatum esse et post nonnullos annos speratur a moderatoribus nosocomii Belfastiensis mercatui afore.

Scripsit ANL