Annus
2 0 0 9


13Saltator gentis Neozelandensis Maori artem linguamque suam ostendit Venetiis,

Saltator gentis Neozelandensis Maori artem linguamque suam ostendit Venetiis, tempore Biennalis Artium Spectaculi.

Histrio pantomimicus Hongkongiensis personam gerens militis Sinensis commemorat victimas caedis reclamantium in Platea Pacis Caelestis (Tiananmen), quae caedes ante viginti annos perpetrata est.

Ecce Mons Tractus Cacuminis (Zugspitze), altissimus mons Germanorum. Ante tempus aestivum moles glaciata eius linteis tegi debet, ne nimis caloribus glacies dissolvatur.

Miles femina Boreocoreana vigiliam tenet ad ripam fluminis Ialu, quod flumen est etiam limes Coreae et Sinicae provinciae Liaoning.

Rude donati (sive pensionarii) Londinenses se a regimine "nudati" putant, pecunia scilicet sibi merita privati. Quam ob rem nudi reclamant ante aedes parlamenti Britannorum.

Britanni milites umbellis decidendo ad Caen Normannicam Gallorum commemorant escensionem hic factam 4 Iunii anni 1944, cui nomen secretum erat D-Day.

Tali modo, sine necessitate tesseram emendi, tramine vehuntur pueri Russi, se scilicet "agglutinando" ad caudam currus finalis traminis.

 

Scripsit ANL



Retro ad:

Novissima editio
Summum paginae