Annus
2 0 0 9


26The first of the annual Pamplona bull runs took just two-

Ut annuatim his diebus fit, Pampeiopoli denuo tauri per vias urbis currunt peregrinatoribus e toto mundo huc advenientibus eourm cornua effugientibus. Uni tamen e circa duobus milibus cursorum hoc anno effugere bovem non contigit et vitam in via Pampeiopolitana efflavit. Similis mors numquam ab anno 1995 evenerat.

Archiepiscopus orthodoxae ecclesiae Ucrainensis Volodymyr consecrat motocycla ante pompam habendam occasione 300. anniversarii pugnae Russorum cum Suetis ad Poltavam, quae finem posuit dominatui Suetorum in orbe maris Baltici.

Navis Batavica portat duas veteres naviculas submarinas Russicas in portum Vladivostok orae Pacificae Russorum, ubi mari sepeliendae ambae sunt.

Prandio fruuntur operarii navalium in portu quodam Indonesiae, cuius terrae praesidens Susilo Bambang Yudhoyono denuo electionum victor discessit, promittendo suis oeconomiam Indonesiae hoc anno creturam passu sex centesimarum, licet mundus porro crisi oeconomicae haereat.

Pachistani cives valde indignantur novis vectigalibus pretio petrolei a regimine additis.

Siphonarii Austrocoreani salutem ferunt vectoribus, quorum autoplaustrum aqua illuviei e via rurali in alvum fluminis raptum sit.

Bellum civile in Afghanistania laedere non videtur vitam cotidianam viri, qui in medio foro sedens theamque bibens epistulas scribere solet pro concivibus analpabeticis.

 

Scripsit ANL



Retro ad:

Novissima editio
Summum paginae