In novissimo cinemate a Wong Kar-Wai
facto - "Noctes bacaneae" (My blueberry nights)
- Norah Jones agit partem iuvenis, amoenissimae puellae, quae in
iter quasi fabulosum proficiscitur per Civitates Unitas Americae,
ubi amorem verum se inventuram esse sperat, nam cor eius, modo
amore vetero fractum, valde stomachetur. Utrum scopum itineris
invenerit (conveniet enim in via multos homines), parum liquet (neque
sapientiae esset iam nunc lectoribus id nuntiare), sine dubio
tamen loca peramoena peragrat, quae camera Wong Kar-Waiana summa
cum arte cepit: topia Americae, quae a strata autocinetica numero
66 inspici possint, sunt quasi alter histrio principalis huius
fabulae. Praeter ingeniosos: Norah Jones, Jude Law, Natalie
Portman, Rachel Weisz et David Strathairn.
Mirum in modum Wong Kar-Wai, praeclarus dispositor scaenarum
Hongkongiensis, suum primum cinema de America Septentrionali
fecit sine ulla pecunia a societatibus cinematographicis US-Americanis
data, pellicula enim est fructus collaborationis Gallorum et
Hongkongiensium. Est haec etiam rara fabula de USA tractans, ubi
caeliscalpia Neoeboraciana in media scaena rarissime monstrantur.
In novissimo cinemate a Wong Kar-Wai
facto - "Noctes bacaneae" (My blueberry nights)
- Norah Jones agit partem iuvenis, amoenissimae puellae, quae in
iter quasi fabulosum proficiscitur per Civitates Unitas Americae,
ubi amorem verum se inventuram esse sperat, nam cor eius, modo
amore vetero fractum, valde stomachetur. Utrum scopum itineris
invenerit (conveniet enim in via multos homines), parum liquet (neque
sapientiae esset iam nunc lectoribus id nuntiare), sine dubio
tamen loca peramoena peragrat, quae camera Wong Kar-Waiana summa
cum arte cepit: topia Americae, quae a strata autocinetica numero
66 inspici possint, sunt quasi alter histrio principalis huius
fabulae. Praeter ingeniosos: Norah Jones, Jude Law, Natalie
Portman, Rachel Weisz et David Strathairn. 
