BURJ DUBAI NON DIU PALMAM ALTISSIMI CAELISCALPII TENEBIT?

Turris altitudine unius chiliometri

Ad novissimas difficultates oeconomicas negotiationum Confoederationis Phylarchiarum Arabicarum, at praesertim harum, quae aedes luxuriosissimas ibi struunt, ut Nakheel (quae pars est societatis collocatoriae Dubai World), accedunt nuntii de consiliis hanc terram privare palma possesstricis altissimi caeliscalpii mundi, modo scilicet ad verticem adductae Turris Dubaiensis (Burj Dubai, quae cum vicina insula artificiali monstratur imagine supra). Phylarchus enim Al-Waleed bin Tala struere vult in Urbe Regali (quae expensis 26,7 miliardis dolariorum struenda sit ad hodiernam urbem Saudianam Judda) caeliscalpium altitudine unius chiliometri (cuius imago datur infra). Ita turris Saudiana 172 metris altior erit Turri Dubaiensi, quae aperienda visitatoribus est mense proximo Ianuarii, nisi certe novissimae difficultates inaugurationem tardabunt.

Scripsit Stanislaus Varsoviensis iconoclastes.blog.onet.pl