Annus
2 0 0 9


LOTIUM VACCARUM IMPERIALISMUM USA REPUGNAT

LOTIUM BOVINUM IMPERIALISMUM USA REPUGNATURUM

Urina persalubris

Contra potiones "saeculares imperialisticasque" US-Americanorum, ut sint Coca-Cola et Pepsi, quae ad vitam corruptam Occidentalium spectent, pugnare vult grex hinduistarum promovendo potionem Indicam ex... urina vaccarum factam. Nomen gregis esse Rashtriya Swayamsevak Sangh (RSS), quod significat Nationalia Agmina Voluntaria. Actuosi horum agminorum clamant potionem thaumaturgam - putatur enim lotium vaccarum permultos morbos curare - iam probationes in laboratrinis ad sanitatem hominum spectantes optime subiisse atque post duos tresve menses mercatui publico in India afore. Praeter lotium bovinum continebit potio ribem grossulariam necnon sucum aloes verae. Gustus odorque potionis adhuc ignoti manent ut aenigma commeciale.

Secundum Om Prakash, qui de potione novo hinduistarum promovendo curat, "lotium bovinum curare 70-80 varios aliter incurabiles morbos, ut verbi gratia diabetes". Multi credunt id etiam contra carcinomata efficax esse. Actuosi RSS sperant quoque bibendo urinam vaccarum - quae sunt animalia sancta Indorum - homines magis ad valores spirituales et minus ad res mundanas animam advertere.

Scripsit



Retro ad:

Novissima editio
Summum paginae