Evanuit aëronavis
 Decidit in Oceanum aëronavis
"Doleo magnopere vobis adnuntians volatum MH370 in Oceano
Indico finem habuisse" ait minister primarius Malaysiae Mohd
Najib Tun Razak referens exitus novissimarum investigationum de
aeronavi Boeing 777, quae die octavo huius mensis a Kuala Lumpure
Pechinum profecta evanuisse narratur et MM longe a Perthia
postremum detecta erat. Hoc retulit comprobatum esse ab
indagatoribus Britannicis recentissimis instrumentis praeditis,
nullius ceterum vitam ex CCXXXIX viatoribus, plerumque
Sinensibus, servatam esse.
Scripsit Herimannus Novocomensis
|
