Annus
2 0 1 4


Sursum dulcis tubus Siculus!

Sursum dulcis tubus Siculus!

Estne qui dulcem tubum Siculum ignoret? Itali bene noverunt. Etiam ex externis, qui in Italiam venerint, sine dubio nemo ignorat.

Cicero, qui in Sicilia quaestor fuit, de “tubo Siculo” narrat ("tubus farinarius dulcissimo edulio ex lacte factus"). Fabula quaedam narrat tubum dulcem Siculum in urbe Caltanissetta (Arab. Kalt El Nissa, Lat.Castrum Mulierum), Arabis regnantibus, primo creatum esse. Emiri amicae, in otio plerumque cum agerent, tempus in suavissimis cibis parandis consumebant, inter quorum numerum dulcis tubus numerandus esse videtur. Sunt autem qui adfirmant tubum Siculum monachas quasdam creavisse.

Sine dubio ad hoc edulium parandum rebus opus est, quarum multas Arabi, peritissimi pistores dulciarii, in Siciliam tulerunt. Ergo a Ciceronis temporibus tubus Siculus usque adhuc compositione mutatus est; eius forma autem eadem permansit, calamo similis, qui fluminis rivam circumdat. Rerum scriptorum est de tubi Siculi origine disputare. Omnium autem est tubum dulcem Siculum, divinum cibum degustare.

Dulce et decorum est pro… tubo Siculo vivere!

Scripsit Domenicus Caveosanus



Retro ad:

Novissima editio
Summum paginae