Annus
2 0 1 4


De horologio ante tabernam

De horologio ante tabernam

Novi Eboraci vir negotiosus horologium gestabile suum forte fregit in tramine subterraneo. Cum nonnullos homines variis temporibus constitutis convenire debeat res magni momenti agendi gratia, anxie requirit tabernam ubi horologia reficiantur. Denique ianuam invenit, supra quam magnum horologium ostenditur. Intrat ibique conclave omnino vacuum videt, praeter rabbinum aetate provectum promissa candida barba, in sella sedentem.

"Potesne - ait - horologium meum properatim reparare?"

"Ast ego - respondet senex - horologia non reparo: munere circumcisoris fungor."

Subiratus vir negotiosus "Cur ergo - inquit - horologium ut signum proposuisti?"

"Quidnam tua sententia mihi proponendum erat?"

Scripserunt Herimannus Novocomensis et Andreas Benenascens

Scripsit Herimannus Novocomensis adiuvante Andrea Benenascenti



Retro ad:

Novissima editio
Summum paginae