Annus
2 0 1 9


NOVA RUSSICA

De turbis Boreoamericanis

Manafort.jpg"

Ciuitates Coniunctae Americae. Princeps actuariorum ad petitionem curandam pro Praeside futuro Boreoamericano Donaldo Trump Paulus Manafort in carceribus Americanis IV fere annos inmanebit reclusus: quaestio enim de repetundis ad obscuram rem "RussiaeCancellos" coercendam eum omnino condemnauit. Magistratus nam Robertus Muller, qui causae inuestigationi ipsi praetor creatus est, aliquid inter actuarium illum atque summos uiros Administrationis Sarmaticae fuisse demonstraturum se perrecte ac patissime pollicitus est atque publice propter honorem suum uouit. De repetundis antediximus, quorum sustantia fraudis oeconomis in Aerarium Boreoamericanum constitit, ad secundam orationemn peruenerunt: quamuis ille praetor nimis decemuirale iudicium futurum esse existimauerit, poenam illi actuario iniecit durissimam: peruestigationes illius praetoris attamen minime desinentur.

Scripsit Andreas Nouocomensis



Retro ad:

Novissima editio
Summum paginae