Annus
2 0 1 9


AUCTUS MILITUM IN MEDIO ORIENTI

alii mille mittentur

milites.jpg"

Post impetum Persarum ab Arabia Saudita confirmatum contra duas naves petrolearias, Pentagonus nuntiavit alios mille milites in Medium Orientem ad minas repellendas missum iri, iubente Secretario Defensioni praeposito Patrick Shanahan, cum periculum esset hominibus et utilitatibus Boreoamericanis. Tamen Wang Yi Administer Sinensis Negotiorum Exterorum utramque partem ad rationem et moderationem hortatus est ut progrediens actio bellica vitaretur, simulque idem Wang petivit quoque a Persis ne foedus de vi nucleari derelinquerent. Simili modo Moscua omnibus gradibus repugnat qui infensa in Medio Orienti augeant, ut ait Dmitri Peskov, relator praesidialis sententiam proferens de incremento militari post incursus in sinu Omaniano effectos. Eadem moderatio commendatur ut principia belli reppellantur.

Scripsit Lydia Ariminensis



Retro ad:

Novissima editio
Summum paginae