Annus
2 0 1 9


NVCLEARIS DIES

De armamentis nuclearibus

armamenta.jpg"

Societas Nationum hodie diem uniuersalem contra nuclearia in orbe concelebrat: expoliatio armamentorum nuclearium enim mutorum propositum maximum est, quod armamenta ipsa paci uniuersali comminantur atque uitas periclitantur. Multarum Nationum attamen administrationes armamentorum potestatem detinent atque inimicis minas afferunt: quot at armamenta in toto orbe sint peruestigatur, ut eorum minae deprehendantur. Americani sapientes anno MMXIX armamentorum numerum computauerunt atque exitus publicauere: XIV prope milia armamentorum nuclearium apparata sunt atque multorum exercituum in manibus continentur; Administratio enim Boreoamericana, Sarmatica, Anglica, Sinensis ac Francogallica armamentorum uim adhibere possunt atque in castris permultis eorum potentia colitur et augetur. Expolitionis perfectionem nec longinque contemplantur nec eius finis aspicitur, quamquam mille circiter armamenta exempta sunt.

Scripsit Andreas Nouocomensis



Retro ad:

Novissima editio
Summum paginae