DE NOVO INVENTO POMPEIANO

Inventum persingulare factum est his diebus: in villa suburbana Civitatis Iulianae apud Pompeios reperta sunt corpora fere integra duorum virorum: unus nats inter triginta et quadraginta annos, alter annos viginti ciriciter natus, uterque necatus favillis Vesuvii ob terrbilem conflagrationem anni LXXIX p.C.n.
Post centum quinquaginta annos exemplaria eorum e gypso liquido facta sunt, secundum rationem ab archaeologo Neapolitano Iosepho Fiorelli inventam, sed novis instrumentis permultum melioratam.
Ora utriusque aperta, distorta - quasi, ut sic dicam, in doloris cachinno -, in quadam ultima imploratione.
quiescere videntur. Prior amiculum laneum induebat; alter erat fortasse servus illius, indutus simplici tunica, iuvenis erat sed, heu!, corpore et ossibus iam tritis ex tam multis laboribus: in vita unus alterum dominabat, in morte aequati sunt.
Iuxta multos doctos, inventum amiculi lanei a domino induti efficit ut verus dies calamitatis putandus sit nonus ante Kalendas Novembres, et non nonus ante Kalendas Septembres, ut dixerunt semper historici, sic etiam C. Plinius Caecilius Secundus (Iuvenis) narrans Tacito de morte sui magni avunculi.

Scripsit Marcus Sbardella