Pelicanus conquiniscit, ne frigore nimis mordeatur, in hortis Londinensibus sancti Iacobi (St James's Park). Anglia operta est nivibus maximis ultimorum duodeviginti annorum.

In Iaponia etiam frigus haud spernendum. Hic, ad lacum Shikotsu, totum fere oppidum e glacie structum est a sculptoribus.

Ex auro 24 caratiorum fecit aurifex Indonesianus Cipto Purnomo statuam Buddhae altitudine 7,5 milimetrorum, pondere1,5 grammatis.

Stella est nomen leaenae, quae ante novem menses nata est in viridario urbis Bulgarorum Stara Zagora.

Mulier sancta hinduistarum ridet post lavationem, quae pars est caerimoniae religiosae Magh Mela in urbe Indica Sagram habitae.

Scripsit ANL