REPERTUM ASTRONOMICUM INCREDIBILE

Hiatus nigri gemini

Studiosi US-Americanae speculae astronomicae National Optical Astronomy Observatory (NOAO) ad urbem Tucson civitatis Arizonae reppererunt galaxiam, medio huius adsint duo permagni hiatus nigri, circum se invicem revolventes (tempus unius plenae revolutionis esse circiter centum annorum terrestrium) - nuntiat novissima editio actorum "Nature". Qui ambo hiatus sint a se remoti distantia "tantum" tertiae partis lucis anni, quod sonat astrophysicis incredibile, theoria enim adhuc praevalens docet duos hiatus nigros (aut galaxias) nimis se invicem appropinquantes debere in unum communem hiatum (galaxiam) conglutinari.

Studiosi NOAO invenerunt relicta lucis ab utroque hiatu absorptae, sciunt quoque utriusque lucem alius esse coloris. Massam minoris hiatuum esse 20 milionies tantum ut massa solis nostri, maioris massa aestimatur aequari miliardo solum.

Scripsit ANL