Rusticola Indus omnia sua secum portat fugiens illuviem, quae vastat regionem Sandeshkhali, centum chiliometrorum ad meridiem et orientem a Calcutta. Et India et Bangladesh afflictae sunt effectibus venti cyclonis, qui modo in Sinu Bengalico saeviebat.

Crinibus ipsius trahit He Jianma autocurrum pondere triginta tonarum in urbe Zhuzhou Sinarum, hoc modo sibi viam patefaciens in Guinessianum codicem extremorum.

Tali modo homines tecto carentes imbres fugiunt in Bangladeshiana urbe capitali, Dhaca.

Vir Boreocoreanus birota vehitur ad ripam fluminis Yalu, quod limen est Coreae vicinarumque Sinarum, insciens fortasse crisis politicae internationalis propter conamina nuclearia regiminis Coreae Septentrionalis exoriundae.

Fautores pedilusorum Barcinonensium victoriam suorum super "Diabolos rubros" Manucianos Romae celebrant.

Scripsit ANL