Manuciani Uniti (Manchester United) consenserunt Cristianum Ronaldo a Reale Matritensi (Real Madrid) emptum iri octoginta milionibus librarum. Quae sit pecuniosissima umquam emptio athletae.

Andrew Bynum manus Lacualium Angelopolitanorum (Los Angeles Lakers) petit bascaudam hostium tempore quarti certaminis finalis ligationis NBA contra Magicos Orlandenses (Orlando Magic). Lacuales vicerunt proportione bascaudarum 99-91.

Nimis lente! Alex Cusack lusor criceticus Hibernus non potest aeque citum se praebere ut Kumar Sangakkara insulae Taprobane (Sri Lanka). Licet stadium Londinense plenum erat fautorum Hibernorum (Irlandorum), hos Taprobanensibus superare contigit.

Wayne Rooney pedilusor Anglus bis portam Andorranorum violavit in stadio Wembleyano. Angli vicerunt 6-0.

Pyramis vera athletum de folle ovali captanda pugnantium! Ecce lusores Angli et Caledonici (Scoti) inter se certantes tempore Mundani Certaminis Harpasti Iuvenum Tochiae Iaponum habiti.

Ryosuke Irie natator Iapo proficiscitur in distantiam 100 metrorum supine natandam.

Scripsit ANL