Hanc picturam "patris revolutionis Octobris", Vladimiri Lenin, admirari possunt peregrinatores visentes exhibitionem Artis Totalitarianae in Nationali Bulgarorum Pinacotheca Sophiae. Exhibitio continet circiter septuaginta picturas sculpturasque.

Sordibus semper quid utile haerere bene sciunt hi pueri Indi, qui cottidie mane scrutantur ripam fluminis Gangis ad Calcuttam, res pervarias a hominibus eiectas ferentis.

Agmina paramilitaria biocolytarum artem turbam reclamatorum cohibendi exercent in Foro Populi in media Urumqi, urbe scilicet capitali Turcestaniae Sinicae (sive regionis autonomae Xinjiang-Uigur). Hic ante duas septimanas in pugnis inter Uiguros et Sinenses ducentes fere homines ceciderunt. Magnis copiis militum biocolytarumque in viis praesentibus magistratus sperant ambas gentes contra se ipsas porro non aggressuras.

Mulieres Afghanae Cabuliae libellos inspiciunt monstrantes candidatos ad munus praesidentis huius terrae. Electiones praesidentiales in Afghanistania mense Augusto habitum iri.

Tales sunt effectus ingentis ictus imbrum monsuniacorum in urbem Busan Corea Australis.

Servienti militum marinorum US-Americanorum Anthonio Zabala contigit in tutum effugere e loco ictus bombiferi rebellatorum motus Taleban in provincia Afghanica Helmand peracti, ubi duas praeteritas septimanas contra islamistas acriter pugnant milites Americani, Britanni Canadianique. Duo tamen collegae Zabala hoc ictu vitam amiserunt.

Scripsit ANL