Relationes USA cum Libya renovandae

USA renovabunt relationes diplomaticas cum Libya - nuntiavit die Lunae sedes diurnaria Reuters. Tempore proximorum 45 dierum hac terra detrahenda sit indice Americani regiminis civitatum, quae terroristas faveant.

Relationes bilaterales ambarum terrarum non bene se habuerunt ab anno 1979, postquam turba civium Libycorum aggressa esset aedem legationis Americanae Tripoli. Uno anno postea USA legationem ibi clauserunt.

Maxime difficiles relationes inter USA et Libyam facti tamen sunt post ictum terroristicum in aeronavem Americanae societatis Pan Am, quae diruta erat super oppido Caledonico Lockerbee. Tunc 270 viatores, aeriplanigae, puellae et pueri diaetarii mortui sunt. Ad hoc ictus respondentes aeronaves militares Americanae nonnulla loca in Libya pyrobolis adortae sunt, circa 80 homines necantes, inter quos etiam filius praesidentis seu potius dictatoris terrae Muammar Kaddafi (quem in photographemate iuxta videtis).

Ante tres annos tamen Kaddafi pollicitus est tromocrates plus nec pecunia nec alio modo adiuvare, Libyam arma nuclearia struere desistere, familias victimarum cladis Lockerbiensis a regimine Libyco remunerandas. Quae omnia promitta maxima ex parte expleta sunt, secundem regimen Americanum.

Scripsit Nanompouphos