Negotiationes cum Turquia maximo in periculo

Miserrime se habent negotiationes inter Unionem Europaeam et Turquiam de accesu navium (Graeco)cyprensium ad portus Turquiae. Si nulla solutio inveniri potest, spatio duarum proximarum septimanarum negotiationes de futuro statu Turquiae in spe terrae-membri UE suspendentur.

Agitur de accessu navium Cypriotarum ad portus Turcicos, cui consilio regimen Ancarense assentiri vult, si tantum navibus aeronavibusque (Turco)cyprensium liceret merces suas necnon peregrinatores directe in urbes terrarum Unionis Europeae vehi. Nunc enim prohibitione tenentur civitates UE, ne commercio ullo cum illegali regimine Rei Publicae Turcicae Cypri Septentrionalis (a nemine, praeter Turquiam ipsam, officialiter agniti) commerciis relationibusve officialibus iungantur.

Finnia, quae terra nunc moderator laboris UE est, proposuit compromissum:

* Turquia aperiat duos aut tres portus aeriportusve navibus et aeronavibus Rei Publicae Cypri (Graecorum)

* Cypriotis Turcis liceat per portum Famagusta commercium cum terris UE directe agere

* separata pars Famagustae (Varosha) sub dicionem UE veniat, sine tamen licentia Graecis Cypriotis data immobilia sua ibi relicta reposcere.

Quibus consiliis tamen moderatoribus terrarum Unionis Europaeae assentiri non contigit.

Scripsit Khan Krum