NUNTIUS PUBLICUS DE QUODAM LIBELLO LATINE CONSCRIPTO IN LUCEM BREVI EDENDO

Summus Pontifex die lunae XXVIII mensis novembris MMV eos, qui interfuerunt Certamini Vaticano, eiusque cultores audiendi eos alloquendique causa recepit. In oratione latine habita dixit: "Pro viribus cohortemur incitemusque vos ante omnes ad litteras nostras Latinas, tam antiquas quam recentiores, tam saeculares quam sacras, omni cultu ac fervore non tantum adservandas, verum etiam novis rationibus docendas et inter iuniores potissimum progandas."

Antiquissimus qui in mundo exstat exercitus, Pontificia nempe Cohors Helvetica in Urbe, anno ineunte MMVI diem celebrabit, quo quingentos annos ante condita est. Nam "Acriter et Fortiter" ex die 22 mensis ianuarii 1506 Summum Pontificem eiusque domum defendit tueturque.

Adhortationi Beatissimi Patris Benedicti XVI obsequens domus editoria theodisca, cui nomen est "nova & vetera", iam ante Festum Nativitatis Christi libellum singularem in lucem edet monumenta rerum gestarum Pontificiae Cohortis Helveticae in lingua Latina breviter complectentem. Verba (seu textus) ab Udalrico NERSINGER, celeberrimo perito in rebus Vaticanis et cooperatore nostrae domus editoriae, theodisce magna cum diligentia conscripta sunt, quae Gero P. WEISHAUPT, sacerdos, iudex dioecesanus et officialis Curiae Romanae, magno cum studio in linguam Latinam vertit.

Hoc mirificum natalicium munusculum, quod constat cinque euronis, in Tela Totius Terrae (cfr. pagina interretialis nostrae domus editoriae: www.novaevetera.de) eo comparando mandari potest.

nova & vetera · Bataverweg 21 · 53117 Bonn
Telefon: 0228 - 967 56 76 · Telefax: 0228 - 67 62 09 · mail@novaetvetera.de

-----------------------------------

Lic.i.c. Gero P. Weishaupt, sac.
Fondazione "Giovanni XXIII"
Via di Torre Rossa 68
I-00165 Roma
+39-06.66 04 83 48
+39-32.93.12.29.71
+39-06.698.87617

Scripsit