Annus
2 0 0 8


POST QUADRAGINTA QUATTUOR ANNOS EQUES IN OLYMPIA REVERTITUR

POST QUADRAGINTA QUATTUOR ANNOS EQUES IN OLYMPIA REVERTITUR

Sexagenarius Iapo pro nomismate certabit

Iaponica societas hippica decrevit unum eius repraesentatorum in ludis Olympicis Pecchinensibus hac proxima aestate fore 66 annos natum Hiroshi Hoketsu, qui iam anno 1964 Olympiis adfuit, tunc Tokiae 40um locum obtinens in saltibus hippicis. Proximis autem ludis equiriis gregalibus aderit.

"Verum est eum non adfuisse Olympiis ab anno 1964, sed abhinc semper artem equitandi exercitat necnon particeps adhuc est multorum certaminum" - dixit praeses Iaponicae societatis hippicae Azusa Kitano.

Adhuc vetustissimus Olympionices Iaponus erat mulier equitans Kikuko Inoue, quae aetate 63 annorum participavit ludis Seuliae anni 1988.

Veterrimus autem omnium Olympionicum mundi manet adhuc sclopetator Sueticus Oscar Swahn, qui anno 1920 Antverpiae nomismate potitus est 73um annum vitae agens.

Tempore ludorum Pecchinensium Hoketsu vir 67 annorum erit.

Scripsit Stanislaus Tekieli



Retro ad:

Novissima editio
Summum paginae