Annus
2 0 0 8

Feriae XXVIae latinae

Feriae XXVIae latinae
Ferigoletenses

A Patre Suitberto Siedl o.c.d. conditae anno 1982, olim Nicaeae,
sub auspiciis Operis Fundati "Latinitas" (in civitate vaticana)

 

Abbaye St-Michel de Frigolet o praem
F-13150 Tarascon sur Rhône

feriae(ad)frigolet.com
tel. (33)04 90 95 70 07

Ferias XXVIas Latinas ferigoletenses celebraturas a die 16 usque ad diem 23 julii 2008, in abbatia Ferigoletensi (ordinis Praemonstratensis), in Francogallia meridionali sita haud procul ab urbe Avenione, atque 90 km. ab urbe Massilia.

Plura inspici possunt in sede interretiali ferigoletensi www.frigolet.com (sive in lingua franco-gallica sive in lingua latina).

Summa pretii pro septimana : circiter : 355, 00 € (330 € pro studentibus) in cubiculo persimplici. Eligi etiam potest cubiculum omnibus commodis instructum. Pretium ergo aliud erit.


HVMANITAS

 

LITTERARVM VIS

Omnium gentium seminaria de litterarum virtutibus penitus intellegendis

Segedini, in Hungaria, inde a die XXIV mensis Iulii usque ad Kalendas Augustas a. MMVIII; Adulescentuli et iuvenes iam inde a die XXII invitantur ad praevias sessiones celebrandas.

Litterae inditos nobis a natura honestatis igniculos excitant; luxuriantes quasique fruticantes cupiditates stringunt ac coërcent, easque rationis finibus regunt; abducunt a vitiis, duces et magistrae sunt ad virtutem; prosperis rebus ornamento sunt, solacio adversis; neque illis exsultare atque efferri suos, neque his frangi ac deprimi sinunt; eam denique tranquillitatem animi efficiunt, quam multi finem bonorum esse dixerunt.

(M. A. Mureti oratio XXIII De utilitate, iucunditate ac praestantia litterarum, habita Romae a. d. XV Kal. Nov. a. MDLXXIII)

 

Peracto Neapoli superiore aestate conventu HVMANITAS nuncupato, apparitores, felici conventus successu incitati, ordinare statuerunt, una cum amicis collegisque Hungaris, seminaria quaedam Latina, aestate hac proxima Segedini in inclita Hungariae urbe habenda. Quae seminaria inde a die vicesimo quinto mensis Iulii ad Kalendas usque Augustas, sub nomine quod est "LITTERARVM VIS", celebrabuntur; ita tamen ut iuvenes die vicesimo altero Iulii eodem iam congregentur, ut a peritioribus per biduum usu sermonis Latini extemporali initiari queant. Ad haec seminaria participanda ii omnes vocantur, qui humanitatis studiis addicti de iisdem cum praeceptoribus ac condiscipulis sermocinari disputare deliberare cupiant.

Argumenta tractanda erunt maxime varia, sicut varia est vis quam litterae exercent; participes igitur verba facient de artibus deque Musis omnibus, quae modo excitant modo sedant animi affectus; de vita civili deque arte rhetorica, qua bonus vir cum dicendi peritus tum publici boni defensor fit; de rerum denique gestarum historia deque pueris instituendis, qui virtutum vitiorumque aetatis suae magis sibi conscii fiunt si ea cum moribus institutisque praeteritorum temporum comparant. Quia pleni omnes sunt libri, plenae sapientium voces, plena exemplorum vetustas: quae iacerent in tenebris omnia, nisi litterarum lumen accederet: nam haec studia adulescentiam alunt, senectutem oblectant, secundas res ornant, adversis perfugium ac solacium praebent, delectant domi, non impediunt foris, pernoctant nobiscum, peregrinantur, rusticantur.

www.litterarumvis.eu


Italiano – Grammatica – Compito per sabato 9 giugno 2007

CERTAMEN LATINUM
***

30a Sagra della Barbera
4 Maggio 2008

BIBLIOTECA COMUNALE
di Castagnole delle Lanze

 

Barbera domina vinorum

LAUS BACCHI

CERTAMINIS LEGES

  1. Certamen indictum est, quo vinum Barbera et deus Bacchus Latino sermone celebrentur. Certamen omnium gentium commune est: quivis potest in id descendere, sive discipulus, sive litteratus, sive Latini sermonis amator, ubicumque terrarum vitam suam agit.
  2. Certamen, cui Barbera domina vinorum – Laus Bacchi nomen inditum est, ex commentatione Latina aut soluta oratione aut versibus conscripta constat.
  3. Ei, qui certamini interesse vult, una tantum commentatio producenda est, quae nondum edita esse debet.
  4. Commentationes computatro conscribendae sunt; uti uno latere paginae usitatae formae oportet, quae signo A4 vulgo notatur.
  5. Commentationes Bibliothecae municipali vel Administrationi Casteniolae, quod municipium italice Castagnole delle Lanze nuncupatur, mittendae sunt; domicilia infra satis copiose scripta invenies. Cum opus mittes, nec nomen tuum neque in involucro neque in commentatione ipsa scribito. Agnomen contra ψευδωνύμως scribito et in commentatione et in minore involucro, in quo condideris quod nomen praenomenque vere tibi sit, ubi habites et quando natus sis. His rebus confectis, opus tuum mittito ante diem statutam, quae est postridie Non. Apr. anni MMVIII.
  6. Qui competitores digni sint qui ad certamen admittantur et qui praemio afficiantur arbitri statuent. Iudicium arbitrorum – qui viri mulieresque doctissimi sunt, Latini sermonis Latinarumque litterarum peritissimi - nullo modo reprehendi vel flecti licebit.
  7. Commentationes admissae in Bibliothecae potestate manebunt, cui ius eas suis impensis edendi erit. Non licebit auctore invito commentationibus aliter uti.
  8. Commentationes missae non reddentur et edi poterunt.
  9. Is, qui in hoc certamen descendere vult, omnibus superioribus legibus plane adsentiri debet.

Si certior fieri vel nomen tuum in certamen profiteri vis:

Biblioteca Comunale, Via Tagliaferro 19, Castagnole delle Lanze (AT) I- 14054

Tel. 00390141875623

Comune di Castagnole delle Lanze, Via Ruscone 9, Castagnole delle Lanze (AT) I- 14054

Tel. 00390141875600 (apud Municipii administrationem quaere dominam Patriciam)

cursus electronicus: sindaco.castagnole.delle.lanze@reteunitaria.piemonte.it

http://www.comune.castagnoledellelanze.at.it

 

PRAEMIA

Primum praemium est mille eurones et arca luculentissima vini barberae

Secundum praemium est septingenti quinquaginta eurones et arca luculentissima vini barberae

Tertium praemium est quingenti eurones et arca luculentissima vini barberae.

Praemia distribuentur die dominica a.d. IV Non. Mai. anni MMVIII.

Victores quibus domicilia extra Pedemontium vel peregre sint hospitio Administratio Municipii Casteniolae accipiet et itineris sumptus solvet.


Pater Caelestis mortuus est

Pater Caelestis mortuus est

Pater Caelestis Eichenseer OSB, natione Germanus et summus Latinitatis cultor atque adsertor acerrimus, die quarto Febr. mortuus est.

Pater Caelestis (vulgo Joseph Anton Eichenseer), natus 1 Iulii 1924 , monachus Benedictinus et theologiae doctor, multos annos operabatur apud Universitatem Saravianam Saravi Ponti. Conditor et editor fuit commentariorum Vox Latina. Multos libros edidit et innumerabilia seminaria neolatina duxit.

Omnes cultores Latinitatis vivae lugent. Eximium linguae Latinae decus et propugnaculum amisimus!

Requiescat in pace.



Retro ad:

Novissima editio
Summum paginae