Annus
2 0 0 8


05

d.05. m.Iul. a.2008, h.12:37

CHINA

Mariettam Slomkam ab astyphylacibus vigilibusque publicis comprehensam esse

Quae diurnaria iter per Chinam fecit, ut in antecessum referret de ludis Olympiis: Eodem in itinere Marietta cognovit, in Chinâ quantum periculum subirent critici. Marietta ipsa ab astyphylacibus vigilibusque securitatis publicae comprehensa per horas retinebatur.

Berolino ex urbe – Primo huic diurnariae licuit Pechinio in urbe libere se movere, sed haec licentia mox est finita: ZDF-Journalistin Marietta Slomka ipsius ZDF diurnaria televisionalis eiusque grex telecameralis in China operati in difficultates pervenerunt. "Eo momento temporis" Marietta ab ephemeride „Berliner Zeitung" interrogata inquit „quo res superficiales transgressae ipsam rationem politicam tetigimus, libertas statim est finita."

 Marietta Slomka: "Quo subiret periculum vitae maximum"

Quae narravit se gregemque suum televisorium, cum vellent cinematographare fundos rurales expropriatos, per tres horas ab astyphylacibus vigilibusque securitatis publicae retentas impeditas esse, ne cinematographarent.

Marietta opinatur Sinenses, si ludos Olympios Pechinenses vituperent, subire periculum vitae. Eadem moderatrix emissionis, c.t. "Heute-Journal", dixit hoc tempore homines Sinenses esse „cautissimos", ubicumque ageretur de rebus politicis aut Olympicis. „Nemo" Marietta inquit „diceret telecamerâ praesente sibi displicęre ludos Olympios: quo subiret periculum vitae maximum".

Marietta telediurnatia per duas septimanas iter fecit per Chinam. Eiusdem mulieris relationes itinerariae spectari poterunt proximâ septimanâ futurâ in emissione, c.t. "Heute-Journal".

Hanc relationem d.05.m.Iul. a.2008 h.15.41 in periodico interretiali „Spiegel online" editam (titulus originalis: „China: Marietta Slomka von Staatssicherheit und Polizei festgehalten") e Theodisco sermone in Latinum convertit Nicolaus Groß praeceptor Sedis interretialis doműsque editoriae, quae appellatur LEO LATINUS: http://www.leolatinus.com/

 

Scripsit Nicolaus Gross



Retro ad:

Novissima editio
Summum paginae