Annus
2 0 0 8


Stadium "

Stadium "Nidi avis" petunt ambulatores 50 chiliometrorum, quorum primus ad metam pervenit Italus Alex Schwazer, ambulando tempore 3 horarum et 37,09 secundarum.

Britanna campio cursurae birotarum BMX, Shanaze Reade, sperabat se palmam capturam, infeliciter tamen decidit, palmam autem cepit Francogalla Anne-Caroline Chausson.

Inter mares birotarios Maris Strombergs pro Livonia primum post memoriam gentium nomisma aureum expugnavit.

In agone saltus perticarii triumphavit Australianus Steve Hooker saltu in altitudinem 5,90 metrorum.

Scripsit ANL



Retro ad:

Novissima editio
Summum paginae