Annus
2 0 0 8


01Deversorium luxuriosum a tromocratibus occupatum,

ICTUS ISLAMISTARUM IN MUMBAIAM

Deversorium luxuriosum a tromocratis occupatum, Taj Mahal Palace, mane diei Iovis adhuc incendiis captabatur.

Praeter duo deversoria cauponamque a peregrinis frequentatam, adorti sunt islamistae stationem ferriviariam, ubi sclopetando decem homines necaverunt.

Tempore noctis multi hospites amborum deversorium a tromocratis captatorum conati sunt abinde se fuga salutem petere, quod multisque, a militibus siphonariisque adiutis, optime contigisse.

Terroristas fugientes nonnulli deversorii hospites aut de fenestris se decidere decreverunt aut usu velaminibus quasi funibus in terram descenderunt.

Militum autem Indorum sclopetatoribus lynceis ascendenda erant tecta aedium deversoriis proximarum, unde facilius ictum dirigere ad tromocrates possent. Munus suum secundum primos nuntios magna e parte optime lyncei perfecerunt.

Pugnae de possessione deversorii Taj Mahal Palace primum a praefectis militum pronuntiatae erant finitae, deinde tamen novi terroristae in his aedibus latentes reperti sunt atque auditi novae displosiones, neque alicui civium porro licuit has aedes appropinquare.

Multis sauciatis familiaribusque mortuorum trauma relictum iri in sempiternum.

Scripsit ANL



Retro ad:

Novissima editio
Summum paginae