Italiana urbs Venetiarum in oris Hadriae maxima 20 praeteritorum annorum illuvie maris afflicta est.

Vi ventorum coactae undae effecerunt, ut aequor maris cresceret 156 centimetris altius solito. Qua re et incolae et philotheori debebant per aquas vadere.

Ligneis ambulacris homines uti debebant, ut forum Sancti Marci adirent. Quod forum est humillimus locus totius urbis.

Neque tamen ambulacra interdum satis erant contra undas citissime crescentes.

Vox e megaphoniis monebat de periculo appropinquanti.

Multae tabernae ac cubicula primae tabulationis afflictae sunt fluctibus.

Res eo gravius redditae sunt, quod gubernatores laophororum marinorum (Italice ‘vaporetto’) operistitium modo pronuntiavissent.

Mox tamen venti directionem mutaverunt, qua re undae maris decreverunt.

Scripsit ANL